Go gutane vil berga skulen i bygda. En av deres nye spøk . Har nok tatt feil av datoen 1 april er ikke nå.

Gruveselskapet Arctic Mineral Resources har kasta seg inn i debatten om skulestruktur i Sunnfjord kommune.
FIRDA: – Vevring skule må ikkje leggast ned, men rustast opp!
Det seier styret i gruveselskapet Arctic Mineral Resources (AMR) i eit brev til Sunnfjord kommune.
Det har nettopp vore ei høyringsrunde om den framtidige skulebruksplanen i kommunen. Styreleiar Arnold Rørholt i AMR seier dei er opptekne av denne problemstillinga.
– Ei kvar stabil industribedrift treng å ha eit velfungerande lokalsamfunn rundt seg. Skulen er faktisk ein nøkkel for å få det til. Ingen ønsker å sende barna sine langt av garde kvar dag, seier Rørholt til Firda.
Rørholt viser til at gruveindustrien har lange tradisjonar med å engasjere seg i nettopp skulesaker:
– Den første verksskulen vart starta opp på Kongsberg allereie i 1627, seier Rørholt.
Lang skuletradisjon i bergverksindustrien
Storkommunen ser no på heile skulestrukturen i kommunen. Vevring er ein av skulane som heng i ein tynn tråd, saman med Karstad og Frøysland.
Bygdefolket i Vevring er sjølvsagt uroa for dette, og no får dei altså støtte frå uventa hald, altså eitt av dei to gruveselskapa som håpar å etablere seg i bygda.
– Det har vore skular ved alle verk opp gjennom tidene, særleg tyskarane la vekt på dette då dei overtok Blaafarveværket i Buskerud, seier Rørholt og peikar på at dei tek sikte på å tilsette kring 50 personar i løpet av ein femårsperiode. Dette seier kan starte i 2023, viss dei får dei nødvendige løyva.
Men før den tid kan altså skulen vere nedlagd. Forslaget som ligg på bordet seier at Vevring skule vert lagt ned frå august 2023, og at elevane i staden vert overført til skulen i Naustdal.
Fryktar for arbeidskrafta
– Kva konsekvensar får det for gruvedrifta dykkar viss skulen forsvinn?
– Vi fryktar for arbeidskrafta, viss det skulle skje. Handsaming av mineral krev kunnskap og erfaring. Vi ønsker å unngå å ha skiftarbeidarar som ikkje bur på staden.
Førebels er det ikkje AMR, men konkurrenten Nordic Rutile som sit på løyva til gruvedrift i Engebøfjellet. Men AMR har klaga på dette, og Rørholt håpar dei vil få svar på rettigheits-striden mellom AMR og Nordic Rutile i løpet av våren.
– Kan det vere aktuelt for AMR og gå inn med økonomi for å halde oppe skulen?
– Først må vi få avklara spørsmåla om rettigheit. Viss vi vinn vil vi vere interesserte i å diskutere kva tiltak vi kan gjere for å sikre at Vevring-samfunnet består. Det kan også innebere midlar, seier Rørholt.
– Enorm aktivitet
No håpar dei altså at skulen ikkje er stengd før gruvedrifta opnar.
– Vi tenker at det ville ha vore heilt absurd viss ein legg ned ein skule omtrent samtidig som det kjem tilflytting til bygda, seier AMR-styreleiaren.
Rørholt viser til at Vevring i dag er eit livskraftig lokalsamfunn med livleg aktivitet.
– Skulen er eit samlingspunkt i bygda for kveldsaktivitetar. I Vevring er det ein enorm aktivitet der foreldre samlar seg til forskjellige sportar og kulturelle aktivitetar.
– Somme vil seie at bygget framleis brukast til dette sjølv om skulen er nedlagt?
– Bygget kan det, men viss skulen er nedlagt bur det kanskje ikkje folk der i heile tatt, seier Rørholt.
I høyringssvaret sitt krev dei at kommunen «må løfte avgjerdsgrunnlaget frå grafar som viser fråflytting dei siste 20 åra på grunn av planar som vil vere svært skadelege for lokalsamfunnet, og sjå framover.»
Kommunen svarar
Det er for tidleg å seie kva påverknad innspelet til gruveselskapet kan ha på avgjerdene om skulestruktur.
– Generelt sett, når vi vurderer slike ting, må vi ta omsyn til det vi veit, altså fakta. Vi må ta omsyn til dei framskrivingar vi har i elevtal. Det blir vanskeleg å a stilling til ting som kanskje kan komme. Vi køyrer den prosessen, og høyringsuttalen til AMR kjem til å bli vere med på dette, seier Åge Stafsnes, kommunalsjef for skule i Sunnfjord.

Lurer på hva investorene i AMR mener om at pengene deres skal brukes til å holde i liv i bygdeskoler 😅